佢為咗了解釣友們的興趣，時常手持啤酒與客人把酒談歡，你咪以為佢只係顧住吹水，其實佢從中吸納好多寶貴意見，用以改善魚場的質素，你都咪話佢唔用心良苦呀！
另外，阿黃為了增加客人的信心，最近參加了魚護署的「優質養殖場計劃」以證明場內有一流的水質。阿黃解釋「老友記」水質一流全因地理的優勢，皆因「老友記」除了環境清幽之外，塘與海只是一堤之隔，塘水是採取自動流放，所以絕不是「一潭死水」，魚豈不更生猛呢！
在選取魚類方面，佢都做足功夫，佢為咗令客人開心，即使一些存活率較低的魚類，好似大大條 深水泥鯭、牛鰍、赤(魚立)……「老友記」都供應。雖然較難養，但阿黃話「無所謂啦！」仲有，為咗增加手感，重至三十幾斤的花尾躉和青斑都有得你釣，只要你夠信心，就快嚟挑戰自己啦！
至於需要少少竅門先釣到嘅金鮕及黃腳(魚立)，「老友記」都貨源不絕。「老友記」俾你嘅梗係唔止咁啦！阿黃話若然喜歡豉汁蒸鱔和魔鬼魚的話，「老友記」都唔會令大家失望。(當然釣唔釣到就要睇吓閣下的技術同運氣，阿黃話佢係唔會潛水幫你捉嘅！) |
